امریکہ میں اڑنے والی کار کو ملی منظوری ، گھرمیں ہوجائے گی پارکنگ

https://www.urdu.indianarrative.com/Flying_car.jpg

امریکہ میں اڑنے والی کار کو ملی منظوری

امریکہ میں اڑنے والی کار کو ملی منظوری ، گھرمیں ہوجائے گی پارکنگ

فلمی کار کو حقیقت کا جامہ پہنایا گیا، اڑن کار بہت جلد سڑکوں پر


واشنگٹن 17 فروری (انڈیا نیرٹیو)

 امریکہ نے اڑنے والی کارکو منظوری دےدی ہے۔ یہ کار زمین کے اوپر 10 ہزار فٹ کی اونچائی تک 160 کی رفتار سے پرواز کرسکے گی۔ جب آپ کا سفر مکمل ہوجائے تو ،اسے آپ گیراج میں گاڑی کی طرح کھڑی کر سکتے ہیں۔

فیڈرل ایوسی ایشن اتھارٹی آف امریکہ نے اس کار کے لیے منظوری دے دی ہے۔ یہ کار ٹیرافوگیا ٹرانزیشن کمپنی نے بنا ئی ہے ’ روڈ ایبل ایئرکرافٹ ‘ زمرے میں ، اس کو خصوصی ہلکے کھیلوں کے طیاروں کی حیثیت سے منظوری دے دی گئی ہے۔ اس کا مطلب یہ ہے کہ یہ کار ہوائی جہاز کے طور پر بھی جائز ہوگئی ہے۔ اگرچہ ابھی تک اسے سڑک پر چلنے کی منظوری نہیں ملی ہے ، لیکن یہ منظوری بھی جلد مل جائے گی۔

اس کار میں 27 فٹ چوڑا پنکھالگا ہے ، جو پورٹیبل ہے۔ اس اڑن کار میں صرف 2 افراد بیٹھ سکتے ہیں اور اسے اگلے سال شروع کرنے کی امید ہے۔ ڈیلی میل کی خبر کے مطابق ، اس کار کو ابھی اڑنے کی اجازت دی گئی ہے۔ اسے پائلٹ ٹریننگ انسٹی ٹیوٹ بھی خرید سکتا ہے۔ لیکن یہ خیال کیا جاتا ہے کہ سال 2023 تک ، اس کار کو سڑک پر چلنے کی بھی اجازت ہوگی۔

ٹرافوگیا ٹرانزیشن کمپنی نے کہاہے کہ ابھی اس کار کو چلانے کے لیے پائلٹ لائسنس کی ضرورت ہے۔ ٹیرافوگیا ایک چینی کمپنی ہے،لیکن اس کی ساری کاروائیاں امریکہ میں ہی ہیں۔ کمپنی کے عہدیدار کیون نے بتایا کہ ہماری ٹیم نے یہ اڑن کار بہت محنت کے بعد بنائی ہے۔ پرواز کی جانچ بھی 80 دنوں تک ہوچکی ہے۔

اس کمپنی کے ذریعہFAA آڈٹ کے لیے 150 تکنیکی کاغذات بھی بھرے گئے ہیں ، پھر اس کی منظوری ملی ہے۔ اس کار کا وزن 590 کلو گرام ہے اور صرف 1 منٹ کے اندر پرواز کرنے کے قابل ہے ۔